Bonduelle: Gniewkowo, Poland

Ang mga trak ng Yale na ibinigay ng Emtor ay may mga nakapaloob na cabin na kinabitan ng mga bintanang may dalawang layer ng salamin upang mapanatiling mainit, dobleng skin insulation at in cabin thermosatic heating, na nagbibigay sa mga operator ng mainit at kumportableng lugar ng pagpapatakbo, habang tumutulong na mabawasan ang peligro ng pagkakaroong ng hamog (fogging) kapag umaandar sa pagitan ng malamig at mainit na mga kapaligiran. Ngunit ang mga cabin ng trak ay isa lamang paraan na isinaalang-alang ng Emtor ayon sa mga pangangailangan ng customer na ito.

“Sa aming pabrika, iniimbak ang mga produktong kalahating tapos sa warehouse na gumagamit ng block system, at ililipat lamang ang mga tapos na produkto sa rack ng paleta. Tinalakay namin ang pangangailangan na “paliitin” ang lapad ng mga reach na trak na gagana sa lugar na ito sa Emtor dahil sa sobrang kitid ng mga pasilyo sa aming warehouse. Tinanggap nila ang hamon at inihanda ang mas makikitid na bersyon alinsunod sa mga hinihingi ng Polish Office of Technical Inspection lalo na para sa amin, na mainam ang nagagawa sa aming makikitid na pasilyo” sabi ni Paweł Łyczywek, Logistics at Supply Chain Director sa Bonduelle.

Ang mga de-kuryenteng trak na may kapasidad sa pag-angat ng 1.6 na tonelada at mas mataas pang kapasidad na mga LPG trak (1.8-2.5 tonelada) na kinabitan ng mga rotator ay sinusuportahan ang mga reach na trak, na nagsasagawa ng mga gawain sa labas ng warehouse. Gumagana nang pitong araw kada linggo sa mode na tatlong shift ang halos lahat ng kagamitan sa pabrika at nilagyan ng pagtatanggal ng baterya sa gilid para makatipid sa oras at mabawasan ang pagkagambalang dulot ng pagpapalit ng mga baterya.

“Sa nakalipas, mahirap na operasyon na may kasamang tiyak na mga peligro ang pagpapalit ng mga baterya mula sa itaas at pagmamanipula sa mga ito sa itaas. Napakalawak ang mga saklaw ng trak na ginagamit namin, mula sa mga reach na trak hanggang sa mga trak na ginagamit sa warehouse, kaya ang pag-iisa ng sistema ng pagpapalit ng baterya at ang pag-aangkop nito sa mga iba’t ibang modelong ginagamit namin ay isang importanteng elemento ng seguridad para sa amin,” sabi ni Paweł.

Gumagana ang karamihan sa mga trak sa pabrikang Bonduelle Gniewkowo sa ilalim ng pangmatagalang kontrata na may habang limang taon. Pagkatapos nito, papalitan ang mga ito ng mga bago. Sinasaklaw ng isang mas maikli at tatlong taon na tagal ng renta ang mga trak na pinakamadalas na ginagamit.

Idinagdag ni Paweł: “Tinutulungan kami ng kasunduang ito sa pagrenta na mapalaki ang kahusayan ng aming fleet. Nagtitiwala kami na sa loob ng limang taon ng operasyon, kaya naming magtrabaho nang medyo walang problema, at kung kinakailangan, maaasahan namin ang isang dagliang pagtanggal ng mga depekto o mga kapalit na trak mula sa Emtor, na nagbibigay sa amin ng walang gambalang pagpapatuloy ng trabaho.”

Ginagarantiyahan ng Emtor ang on-site na pagseserbisyo sa Gniewkowo sa paglalaan ng dedicated na mekaniko. Subalit, sa panahon ng pinakaabalang yugto ng taon kapag ginagawa ang pinakamatinding trabaho, dinaragdagan ang team ng pagseserbisyo ng dalawa pang technician na nakabase sa pabrika.

“Masaya ako na nagkaroon kami ng pagkakataong ipatupad ang naturang malawak na cross-section ng mga solusyon para sa Bonduelle. Salamat dito, nagawa naming magtulungan upang subukin ang iba’t ibang opsyon, bumuo ng kasanayan, at magbigay ng kapaki-pakinabang na feedback sa kanilang mga pabrika, na nagbibigay-daan sa amin upang patuloy na pahusayin ang aming serbisyo,” pagtatapos ni Dariusz Czaplicki, Technical and Sales Consultant para sa Emtor.